Թիմ՝ «Մունք» տեխնոդպրոց / Lumis արտադասարանական խմբակների ցանց
Աշխատանքի ձևաչափ՝ Կես դրույք / ամբողջ դրույք (կախված թեկնածուի փորձից և ներգրավվածության աստիճանից)
Վայր՝ Երևան (հանրակրթական պետական և մասնավոր դպրոցներ)
Ուսանողների տարիքային խումբ՝ 2-11-րդ դասարանի աշակերտներ
Դիրք՝ Դասընթացավար (Workshop Leader)
«Մունք»-ը տեխնոլոգիական կրթական էկոհամակարգ է, որի առանցքային նախագծերից է Lumis-ը՝ հանրակրթական պետական և մասնավոր դպրոցներում գործող արտաժամյա տեխնոլոգիական խմբակների ցանցը:
Lumis-ի նպատակն է 2-11-րդ դասարանցիներին ապահովել 21-րդ դարի պահանջներին համահունչ ժամանակակից կրթությամբ: Մեր ծրագիրն ընդգրկում է 3 հիմնական ուղղություն.
Մենք փնտրում ենք մարդկանց, ովքեր ցանկանում են դառնալ երեխաների ուղեկիցը տեխնոլոգիաների ու ստեղծարարության աշխարհում, զարգացնել նրանց տրամաբանությունը, ալգորիթմական և ձեռնարկատիրական մտածողությունը:
Workshop Leader-ը Lumis-ի կրթական թիմի կարևոր անդամն է, ով պատասխանատու է ուսանողներին տեխնոլոգիական գիտելիքների փոխանցման, դասերի որակի և ուսումնական գործընթացի արդյունավետ իրականացման համար։
Այս դերում կարևոր է ոչ միայն մասնագիտական գիտելիքը, այլ նաև այն պարզ, հետաքրքիր և հասանելի կերպով փոխանցելու կարողությունը՝ հաշվի առնելով յուրաքանչյուր ուսանողի անհատական առանձնահատկությունները։